Портфолио

“Pharm Service” davlat muassasasi vakillari CPHI Frankfurt 2025 xalqaro ko‘rgazmasida ishtirok etib, farmatsevtika sohasi bo‘yicha xorijiy kompaniyalar bilan yangi hamkorlik yo‘nalishlarini muhokama qildilar.

Ko‘rgazma davomida farmatsevtika mahsulotlari ishlab chiqaruvchilari, distribyutorlar, xomashyo yetkazib beruvchilar, texnologik uskunalar ishlab chiqaruvchilari hamda xalqaro konsalting kompaniyalari vakillari bilan B2B uchrashuvlar o‘tkazildi.

Uchrashuvlarda O‘zbekiston farmatsevtika sanoatining investitsion salohiyati, mahalliy ishlab chiqaruvchilar imkoniyatlari, eksport yo‘nalishlari, GMP standartlarini joriy etish hamda xalqaro bozorlarga chiqish masalalari muhokama qilindi.

Shuningdek, xorijiy hamkorlarga O‘zbekistonda farmatsevtika sohasida yaratilgan sharoitlar, ishlab chiqarish loyihalari, ro‘yxatdan o‘tkazish jarayonlari va mahalliy kompaniyalar bilan hamkorlik qilish imkoniyatlari haqida ma’lumot berildi.

CPHI Frankfurt 2025 ko‘rgazmasidagi ishtirok “Pharm Service” faoliyatida xalqaro aloqalarni kengaytirish, mahalliy farmatsevtika korxonalarini global hamkorlar bilan bog‘lash va O‘zbekiston farmatsevtika sanoatini xalqaro maydonda targ‘ib qilishga xizmat qildi.