Tibbiyot va farmatsevtika tarmog‘ini rivojlantirish agentligi hamda Pharm Service delegatsiyasi 2026-yil 25–27-avgust kunlari Koreyaning Seul shahrida bo‘lib o‘tadigan CPHI Korea 2026 xalqaro farmatsevtika ko‘rgazmasida ishtirok etadi.

COEX ko‘rgazmalar majmuasida tashkil etiladigan mazkur tadbir Osiyo mintaqasidagi farmatsevtika, biofarmatsevtika va sog‘liqni saqlash innovatsiyalari bo‘yicha muhim xalqaro platformalardan biri hisoblanadi.

CPHI Korea farmatsevtika sanoatining barcha asosiy yo‘nalishlarini qamrab olib, ingredientlar, kontrakt xizmatlari, farmatsevtika uskunalari, biotexnologiyalar, ishlab chiqarish yechimlari va global ta’minot zanjiri vakillarini bir maydonga jamlaydi.

Ko‘rgazma doirasida delegatsiya farmatsevtika mahsulotlari ishlab chiqaruvchilari, yetkazib beruvchilar, investorlar, ilmiy-tadqiqot tashkilotlari va xalqaro kompaniyalar bilan uchrashuvlar o‘tkazishni rejalashtirmoqda. Muzokaralarda O‘zbekiston farmatsevtika sanoatini rivojlantirish, ilg‘or texnologiyalarni jalb qilish, mahalliy ishlab chiqarishni kengaytirish, investitsion loyihalarni shakllantirish hamda xalqaro hamkorlik aloqalarini mustahkamlash masalalari muhokama qilinadi.

Shuningdek, Pharm Service tomonidan xorijiy hamkorlarga O‘zbekistonda dori vositalarini ro‘yxatdan o‘tkazish, GxP talablarini joriy etish, texnik hujjatlarni tayyorlash, marketing, konsalting va investitsion qo‘llab-quvvatlash xizmatlari haqida ma’lumot beriladi.

Mazkur ishtirok O‘zbekiston farmatsevtika sanoatining Osiyo bozoridagi hamkorlik imkoniyatlarini kengaytirish, yangi biznes aloqalarni yo‘lga qo‘yish va xalqaro tajribani o‘rganish yo‘lida muhim qadam bo‘lib xizmat qiladi.

Pharm Service — farmatsevtika sohasida ishonchli hamkoringiz.

Qo‘shimcha ma’lumot uchun:

+998 55 902-33-33