FDA yangi kombinatsion dori vositasini tasdiqladi

FDA yangi kombinatsion dori vositasini tasdiqladi

AQSh Oziq-ovqat va dori vositalari boshqarmasi Tylenol with Naproxen preparatini ma’qulladi. U 650 mg paratsetamol va 220 mg naproksen natriydan iborat birinchi retseptsiz sotiladigan qat’iy dozali kombinatsiyadir.

Kenvue kompaniyasi ma’lumotiga ko‘ra, preparat 30 daqiqadan kam vaqt ichida ta’sir qila boshlaydi va og‘riqni 12 soatgacha kamaytirishi mumkin.

Preparatning samaradorligi sakkizta klinik tadqiqotda baholangan. Natijalarga ko‘ra, kombinatsiya har bir faol modda alohida qo‘llanganiga nisbatan kuchliroq og‘riq qoldiruvchi ta’sir ko‘rsatgan.

Yangi preparat uzoq davom etuvchi og‘riqlarni kamaytirish uchun retseptsiz va opioidsiz qo‘shimcha davolash varianti sifatida taklif etiladi.

Tylenol with Naproxen yaqin orada AQShdagi yirik savdo tarmoqlarida sotuvga chiqarilishi kutilmoqda. FDA yangi formula uchun Kenvuega uch yillik eksklyuzivlik huquqini berdi.