Farmatsevtika kompaniyalari superkompyuterlar poygasida

Yirik farmatsevtika kompaniyalari yangi dorilarni tezroq yaratish uchun sun’iy intellekt va superkompyuterlarga katta sarmoya kiritmoqda.

Bristol Myers Squibb (BMS) Nvidia bilan hamkorligini kengaytirib, farmatsevtika sohasidagi eng kuchli AI superkompyuter tizimlaridan birini yaratmoqda. Ushbu texnologiya katta hajmdagi ilmiy ma’lumotlarni tahlil qilish, yangi molekulalarni aniqlash va dori yaratish jarayonini tezlashtirishga yordam beradi.

Eli Lilly va Roche ham Nvidia bilan hamkorlik qilib, AI infratuzilmasini rivojlantirmoqda.

BMS yangi tizimni 2027-yilning birinchi choragida tadqiqotchilar foydalanishi uchun ishga tushirishni rejalashtirmoqda.

Asosiy maqsad — eng kuchli superkompyuterga ega bo‘lish emas, balki AI yordamida yangi dorilarni tezroq, aniqroq va samaraliroq ishlab chiqish.