Ozish uchun GLP-1 dorilarini qabul qilayotganlarda atirlarga qiziqish oshishi mumkin

Ozish uchun GLP-1 dorilarini qabul qilayotganlarda atirlarga qiziqish oshishi mumkin

Parfyumeriya kompaniyalari GLP-1 guruhidagi ozdiruvchi dorilar — masalan, Wegovy va Mounjaro — odamlarning hid va ta’mga bo‘lgan munosabatini o‘zgartirishi mumkinligini o‘rganmoqda.

Tadqiqotlar shuni ko‘rsatmoqdaki, GLP-1 preparatlarini qabul qilayotgan ayrim odamlar ovqatga bo‘lgan ishtahasi kamaygani sari yoqimli hidlardan ko‘proq zavq olishga moyil bo‘lishi mumkin.

Shu sababli parfyumeriya ishlab chiqaruvchilari oziq-ovqatga o‘xshash hidlar — vanil, banan, qaymoq, pista, kakao, kunjut, matcha, hatto achchiq va sho‘r notalar bilan tajribalarni kengaytirmoqda.

Reuters keltirgan ma’lumotlarga ko‘ra:

1. AQShda GLP-1 foydalanuvchilari atir va parfyumeriya mahsulotlariga o‘rtacha odamga qaraganda 26% ko‘proq xarajat qilgan;
2. “gourmand” deb ataladigan, ya’ni oziq-ovqat hidlarini eslatuvchi atirlar bozordagi eng tez rivojlanayotgan yo‘nalishlardan biriga aylangan;
3. so‘nggi ikki yil ichida bunday hidlarning yangi mahsulotlardagi ulushi 9% dan 24% gacha oshgan.

Mutaxassislar GLP-1 dorilari hid va ta’mni qabul qilishga ta’sir qilishi mumkinligini inkor etmayapti, biroq bu bog‘liqlikni aniq tasdiqlash uchun yana ko‘proq ilmiy tadqiqotlar zarur.