Pharm Service farmatsevtika kompaniyalari, ishlab chiqaruvchilar, investorlar va xalqaro hamkorlarga loyihalarni samarali rivojlantirish va O‘zbekiston bozoriga chiqishda ko‘maklashadi.
Biz soha ekspertizasi, amaliy tajriba va zamonaviy yondashuvlarni birlashtirib, loyihalarni barcha asosiy bosqichlarda — maslahat va hujjatlarni tayyorlashdan tortib ro‘yxatdan o‘tkazish, sifat tizimlarini joriy etish, mahalliylashtirish va biznesni rivojlantirishgacha — kuzatib boramiz.
Farmatsevtika korxonalariga yuqori sifatli marketing va konsalting xizmatlarini ko‘rsatish, milliy va xalqaro standartlarni joriy etishga ko‘maklashish, mahsulotlar sifati va raqobatbardoshligini oshirish hamda mahalliy ishlab chiqaruvchilarning xalqaro bozorlarga chiqishini qo‘llab-quvvatlash.
Farmatsevtika mahsulotlarini davlat ro‘yxatidan o‘tkazishda amaliy yordam ko‘rsatish, xalqaro standartlarni joriy etish bo‘yicha konsalting xizmatlarini taqdim etish, korxonalarning xalqaro ko‘rgazmalardagi ishtirokini tashkil etish, sohani raqamlashtirish hamda farmatsevtika korxonalarini loyihalash va rivojlantirishga ko‘maklashish.
Farmatsevtika tarmog'ini rivojlantirish, xalqaro standartlarni joriy etish va sohani global tizimga integratsiya qilishda faol ishtirok etuvchi yuqori malakali boshqaruv jamoasi.
Direktor
“Pharm Service” davlat muassasasi faoliyatiga umumiy rahbarlik qiladi, tashkilotning strategik rivojlanishi, xalqaro hamkorlik aloqalari va xizmatlar sifatini ta’minlashga mas’ul.
Ro‘yxatdan o‘tkazish ishlariga ko‘maklashish bo‘limi boshlig‘i
Dori vositalari va tibbiy buyumlarni davlat ro‘yxatidan o‘tkazish jarayonlarida korxonalarga ko‘maklashish, hujjatlarni tayyorlash va tegishli maslahat xizmatlarini tashkil etishga mas’ul.
Marketing xizmatlari bo‘limi boshlig‘i
Marketing xizmatlarini tashkil etish, xalqaro hamkorlikni rivojlantirish, mahalliy ishlab chiqaruvchilarning xalqaro ko‘rgazmalardagi ishtirokiga ko‘maklashish va yangi biznes imkoniyatlarini aniqlashga mas’ul.
Bosh buxgalter
Muassasaning buxgalteriya hisobini yuritish, moliyaviy hisobotlarni shakllantirish, moliyaviy operatsiyalar hisobini tashkil etish hamda qonunchilik talablariga muvofiqligini ta’minlashga mas’ul.
Pharm Service faoliyatidagi muhim tarixiy yutuqlar hamda kelgusida amalga oshirilishi rejalashtirilgan strategik bosqichlar.
O‘zbekiston Respublikasi Prezidentining 2025-yil 28-yanvardagi PF–13-son Farmoni asosida “Pharm Service” davlat muassasasi tashkil etildi.
GxP, konsalting, ro‘yxatdan o‘tkazish, marketing va mahalliy farmatsevtika korxonalarini qo‘llab-quvvatlash yo‘nalishlarida xizmatlar yo‘lga qo‘yildi.
Xalqaro tashkilotlar va xorijiy hamkorlar bilan aloqalar kengaytirilib, xalqaro ko‘rgazmalar, biznes missiyalar va professional loyihalarda ishtirok kuchaytirildi.
“Pharm Service” davlat muassasasida ISO 9001:2015 xalqaro standarti talablariga muvofiq sifat menejmenti tizimi joriy etilib, tegishli sertifikat olindi.
EU GMP, texnologiyalar transferi, xalqaro konsalting, eksportni qo‘llab-quvvatlash va raqamli xizmatlarni rivojlantirish bo‘yicha yangi loyihalarni amalga oshirish rejalashtirilgan.
Arizalarni yuborish va Pharm Service xizmatlaridan foydalanish uchun yagona tizimga kiring.
